लोकवार्ता

निष्पक्ष निर्भीड पारदर्शक

चिंचवड मतदार संघातील नगरसेविका चंदा लोखंडे यांचाही भाजपाला राम-राम

-भाजपाला दुसरा मोठा धक्का.

पिंपरी | लोकवार्ता-

विरोधी पक्षनेते देवेंद्र फडणवीस यांनी फोनाफोनी करुन भाजप नगरसेवकांची समजूत काढण्याचा प्रयत्न केला. तरी, भाजपची गळती थांबताना दिसत नाही. पिंपळेगुरव प्रभाग क्रमांक 29 चे महापालिकेत प्रतिनिधीत्व करत असलेल्या चंदा लोखंडे यांनी आज (सोमवारी) नगरसेविकापदाचा राजीनामा दिला. आयुक्त राजेश पाटील यांनी तो राजीनामा स्वीकारला. त्यामुळे भोसरीपाठोपाठ आता भाजपला चिंचवडमधून दुसरा धक्का बसला आहे.

आगामी पिंपरी-चिंचवड महापालिका निवडणुकीच्या पार्श्वभूमीवर सत्ताधारी भाजपला गळती सुरु झाली आहे. चार दिवसांपूर्वी मोशीचे वसंत बोराटे यांनी भाजप नगरसेवकपदाचा राजीनामा देऊन मनगटावर घड्याळ बांधले आहे. आता चिंचवड विधानसभा मतदारसंघातील चंदा लोखंडे यांनी नगरसेवकपदाचा राजीनामा देऊन भाजपला दुसरा धक्का दिला. महापालिकेच्या 2017 च्या निवडणुकीत पिंपळेगुरव, वैदूवस्तीमधून लोखंडे भाजपच्या चिन्हावर निवडून आल्या आहेत. त्यांनी महिला व बालकल्याण समितीचे सभापतीपदही भूषविले.
भाजप नेतृत्वाला कंटाळून त्यांनी आज नगरसेविकपदाचा राजीनामा दिला असल्याचे सांगितले. दरम्यान, त्यांचे पती माजी नगरसेवक राजू लोखंडे यांनी 21 ऑगस्ट 2021 रोजी राष्ट्रवादीत प्रवेश केला होता. लोखंडे हे आमदार लक्ष्मण जगताप यांचे अत्यंत विश्वासू मानले जात होते. पण, त्यांच्यानंतर आता त्यांच्या पत्नीने नगरसेविकापदाचा राजीनामा दिला असून त्याही लवकरच राष्ट्रवादीत प्रवेश करण्याची शक्यता आहे. त्यामुळे लोखंडे यांचा राजीनामा आमदार जगताप यांना धक्का असल्याचे बोलले जाते.

https://lokvarta.in/

एका क्लिक मध्ये शेअर करा

Leave a Reply

Your email address will not be published.

error: Content is protected !!
या मकर संक्रातीला करा असा हटके लूक। marathi makar sankranti look म्युच्युअल फंड म्हणजे काय ? mutualfunds health insurance घेणं कितपत फायद्याचं आहे ? कोल्हापुरातील top १० nonveg हॉटेल्स जयपुरात सजली मराठी अप्सरा | sonalee kulkarani