लोकवार्ता

निष्पक्ष निर्भीड पारदर्शक

“खासदार श्रीरंग बारणे यांचा जनता दरबार गुरुवारी ऑटो क्लस्टरमध्ये होणार”

पिंपरी | लोकवार्ता-

पिंपरी-चिंचवड शहरातील नागरिकांना येणा-या समस्या सोडविण्यासाठी मावळचे शिवसेना खासदार श्रीरंग बारणे यांच्या पुढाकाराने उद्या (गुरुवारी) आयोजित केलेल्या जनता दरबाराचे स्थळ बदलण्यात आले आहे. आकुर्डीतील सिझन बँक्वेट हॉलऐवजी चिंचवड येथील अॅटो क्लस्टरमध्ये हा दरबार होणार आहे.

चिंचवड येथील   अॅटो क्लस्टरमध्ये गुरुवारी सकाळी 11 ते 1 या कालावधीत हा दरबार होणार आहे. पिंपरी-चिंचवड शहरातील नागरिकांना विविध समस्यांचा सामना करावा लागत आहे. त्याबाबतच्या अनेक तक्रारी खासदार श्रीरंग बारणे यांच्याकडे नागरिकांनी मांडल्या. त्यामुळे या सर्व अडचणी सोडविण्यासाठी सर्व शासकीय अधिकारी एकाच ठिकाणी बोलावून समस्या मार्गी लावण्यासाठी खासदार श्रीरंग बारणे यांच्या पुढाकाराने पिंपरी-चिंचवड शहरात जनता दरबार आयोजित केला आहे.

पिंपरी-चिंचवड महापालिकेशी संबंधित आरोग्य, शिक्षण, पाणीपुरवठा, कर संकलन, विद्युत, नागरवस्ती, अन्नधान्य विभाग (रेशनिंग), तहसील, पीएमआरडीए, आरटीओ, पोलीस प्रशासन व अन्य तक्रारींच्या संदर्भात सर्व अधिकारी यावेळी उपस्थित राहणार आहेत. नागरिकांनी या दरबारामध्ये येऊन आपल्या समस्या मांडाव्यात. त्यावर संबंधित अधिकारी काय कार्यवाही करता येईल, त्याबाबत माहिती देतील.

अनेक वेळेला नागरिक शासकीय कार्यालयात जातात. मात्र संबंधित अधिकारी न भेटल्यामुळे नागरिकांची सरकारी कार्यालयातील फेरी वाया जाते. याचा नागरिकांना नाहक त्रास होतो. अनेक ज्येष्ठ नागरिक वारंवार सरकारी कार्यालयात चकरा मारू शकत नाहीत. त्यांच्यासाठी खासदार श्रीरंग बारणे यांचा जनता दरबार एक संधी असणार आहे. जास्तीत-जास्त नागरिकांनी या दरबारात सहभागी होण्याचे आवाहन करण्यात आले आहे.

https://lokvarta.in/

एका क्लिक मध्ये शेअर करा

Leave a Reply

Your email address will not be published.

error: Content is protected !!
या मकर संक्रातीला करा असा हटके लूक। marathi makar sankranti look म्युच्युअल फंड म्हणजे काय ? mutualfunds health insurance घेणं कितपत फायद्याचं आहे ? कोल्हापुरातील top १० nonveg हॉटेल्स जयपुरात सजली मराठी अप्सरा | sonalee kulkarani