पिंपरी चिंचवड मनपाच्या तर्फे घेण्यात आलेल्या कोविड लसीकरणास सोसायटी धारकांचा उदंड प्रतिसाद
सोसायट्यांमध्ये फेडरेशनमार्फत मोठ्या प्रमाणात जनजागृती
लोकवार्ता । प्रतिनिधी
मोशी : आज दिनांक १६ सप्टेंबर २०२१ रोजी चिखली-मोशी-पिंपरी चिंचवड हाऊसिंग सोसायटी फेडरेशनच्या माध्यमातून पिंपरी चिंचवड महानगरपालिके मार्फत सोसायट्यांमधील नागरिकांसाठी कोविड लसीकरनाचे शिबिर चिखली येथील क्रिस्टल सिटी सोसायटीमध्ये आयोजित केले होते, सदर शिबिरामध्ये क्रिस्टल सिटी सोसायटीच्या आजूबाजूच्या ७ सोसायट्यांमधील नागरिकांनी सदर कोविड लसीकरण शिबिराचा लाभ घेतला, सदर शिबिरामध्ये ४५७ सदस्यांचे कोविड प्रतिबंधक लसीकरण करण्यात आले, कोणत्याही एका लसीकरण केंद्रावर ४५७ एवढ्या उच्चांकी प्रमाणित लसीकरण होण्याची ही पहिलीच वेळ आहे.
सदर कोविड लसीकरण शिबिराबाबत सोसायट्यांमध्ये फेडरेशनमार्फत मोठ्या प्रमाणात जनजागृती करणयात आली होती, सदर लसीकरण शिबीर यशस्वी करण्यासाठी फेडरेशनचे अध्यक्ष श्री.संजीवन सांगळे, संघटक श्री.दिगंबर काशीद, उपाध्यक्ष श्री.संदीप तांदळे तसेच विशेष सहकार्य क्रिस्टल सिटी सोसायटीचे चेअरमन श्री.शार्दूल सावंत, कोअरकमिटी सदस्य श्री रोहित साहेब,तसेच सर्व क्रिस्टल सिटी सोसायटी कोअरकमिटी सद्स, क्रिस्टल सिटी पर्ल सोसायटीचे चेअरमन श्री.वरुडे व त्यांची पूर्ण कोअरकमिटी यांनी परिश्रम घेतले.
तसेच सदर शिबीर पिंपरी चिंचवड महानगर पालिकेच्या आकुर्डी रुग्णालयाच्या प्रमुख जेष्ठ महिला वैधकीय अधिकारी सॊ.सुनीता साळवे यांच्या मार्गदर्शनाखाली वैधकीय अधिकारी श्री.राहुल साळुंखे व त्यांच्या सर्व वैधकीय अधिकारी व कर्मचारी यांनी योग्य नियोजन करून पूर्ण केले व अतिशय उत्तम अशी सेवा सर्व सोसायटी धारकांना दिली