पुणे मेट्रोच्या वनाझ ते रामवाडी आणि पिंपरी ते स्वारगेट मार्गिकेचे काम पूर्ण
-६ मार्च रोजी पंतप्रधान नरेंद्र मोदी यांच्या हस्ते होणार उदघाटन
पुणे । लोकवार्ता-
शहरात वेगवान वाहतुकीचे जाळे निर्माण करणाऱ्या मेट्रोचे उद्घाटन पंतप्रधान नरेंद्र मोदी यांच्या हस्ते करण्यात येणार आहे.येत्या 6 मार्चला हा कार्यक्रम पार पडणार आहे. य यानिमित्ताने मेट्रोच्या कामाला वेग आलाअसून , पुणे मेट्रोच्या वनाझ ते रामवाडी आणि पिंपरी ते स्वारगेट मार्गिकेचे काम पूर्ण झाले आहे. या 27.1 किलोमीटर मार्गिकेवरील 12 किलोमीटरची कामे पूर्ण झाली असून हा मार्ग प्रवाशांना खुला करण्यासाठी तयार झाला आहे. तर उर्वरित 15.1 किलोमीटर अंतरावरील कामे अंतिम टप्प्यात असून तो मार्ग देखील लवकरच प्रवाशांसाठी सुरू होणार असल्याची माहिती महामेट्रो प्रशासनाने दिली आहे. पिंपरी चिंचवड ते स्वारगेट ही 11.4 किलोमीटरची मार्गिका असून त्यामध्ये 14 स्थानके आहेत.
इतर स्त्रोत्रातून महसूल मिळवण्याकडे लक्ष
पुणे मेट्रो रेल्वेत इतर स्रोतातून महसूल मिळवण्याचे लक्ष ठेवण्यात आले आहे. यासाठी मेट्रो स्थानकात जाहिराती, तसेच व्यासायिका जागा भाडेतत्वावर आदी गोष्टीचा विचार केला जात आहे. यातूनच जवळपास 50 टक्के भाडेवाढ केली जात आहे. मेट्रोमध्ये भाडेवाड कमी ठेवता अधिक फेऱ्या करण्याला प्राधान्य देण्यात येणार आहे. मेट्रोतील तिकिटाचा दर अद्याप केला नसला तरी सुरुवातीला भाडे हे 10 रुपये ते जास्तीत जास्त 50 रुपयांपर्यंत असणार असल्याची माहिती मेट्रोच्या प्रशासनाने दिली आहे.